حب الانترنت(منة وخالد)

قصة النهاردة واقعية وحصلت فعلا وصاحبة القصة دى انا اعرفها بشكل شخصى
ابطال قصتنا هما منة وهى طالبة فى الجامعة القصة حصلت وهى فى اول سنة ليها فى الجامعة والشاب اسمة خالد وهو فى نفس سنها تعالوا نتابع ونشوف اتعرفوا عى بعض ازاى
منة اكبر اخواتها وكان كل اهتمامها من وهى صغيرة انها تكون مدرسة انجليزى وكان دة حلمها الوحيد بس لما دخلت الجامعة وبعد مااتحقق حلمها اصبحت زى اى بنت بتفكر فى فارس احلامها وكان عندها مواصفات خاصة لفارس احلامها
فى يوم منة كانت قاعدة على الايميل وكانت عايزة تتكلم مع اى حد ففكرت تدخل الشات وكانت دى اول مرة تدخل منة الشات وبالغلط دخلت منة شات المانى وطبعا دخل ناس كتير تتعرف عليها بس هى رفضت تتكلم معاهم الا واحد بس قبلت تضيفة عندها وتتكلم معاه ولية هو بالذات ماحدش عارف يمكن القدر المهم اتعرفت منة على الشاب دة كان اسمة خالد طالب بس مش معاها فى نفس الجامعة وكان من نفس سنها منة ارتاحت لخالد اوى وقرروا انهم يبقوا اصحاب وفعلا فضلوا يتكلموا باستمرار تقريبا كل يوم وفى يوم غاب خالد عن الايميل ومنة كل ماتفتح ماتلاقيهوش ولاول مرة منة تحس انها متعلقة بحد كدة وسالت نفسها لية هى مدايقة اوى كدة انة مافتحش كان معاها رقم تليفونة ففكرت تبعتلة رسالة تعرف منة هو فين
رد على رسالتها وقالها انة وقع على ضهرة وتعبان جدا ولما يخف هيفتح ويكلمها
منة اول ماقرات الرسالة حست ان روحها راحت منهاوفضلت قلقانة طول الليل بس كانت مستغربة اكتر من رد فعلها هل كل القلق دة عشان هما اصحاب بس؟؟
وبعد يومين رجع خالد واعتذر لمنة عن غيابة وقالها انها وحشتة اوى منة ضربات قلبها زادت وعرفت ساعتها ان دى مش صحوبية دة حب وكانت اول مرة منة تحس ناحية حد انها بتحبة
وفضلت مخبية الاحساس دة جواها لانها مش متاكدة من مشاعرة ناحيتها وبعدين هما اتفقوا يبقوا اصحاب وكمان هى ماكانتش مقتنعة ابدا بحب الانترنت طيب اية اللى حصل
وفى يوم وهما بيتكلموا منة بتحكى لخالد على موقف عملة واحد زميلها وهى ضحكت علية خالد اتعصب جدا وازاى هى تضحك على كلمة قالها واحد زميلها وقالها انة بيغير عليها جدا وبعدها اعترفلها انة بيحبها
واخيرا اعترف حبيب منة وطمنها انة هو كمان بيحبها ومن اليوم دة بدأوا يتكلموا على انهم حبيبين مش اصحاب
خالد ماكانشبيتحمل فراق منة ابدا ولا غيابها عن الايميل وكان لازم يسمع صوتها قبل ماينام
منة كانت فرحانة اوى بالحب دة وحست انها لاقت فارس احلامها ماتعرفش ان فى مفاجاءة بعد كدة

استنوا ماتمشوش لسة فى باقى للقصة تابعونا

قلنا ان منة كانت فرحانة اوى بالحب دة وكانت عايشة مع خالد اجمل قصة حب وقبل مااقولكوا على المفاجاءة خلينا نشوف حوار خالد ومنة كان عامل ازاى
منة كانت مرة عندها دور برد جامد اوى وماكانتش بتفتح الايميل خالد اتصل بيها زيرن تليفون منة
منة؛الو خالد ازيك
خالد؛ اية ياحبى مالك انتى تعبانة ولا اية
منة؛ اة عندى دور برد شديد اوى ومش هقدر حتى اروح الكلية
خالد؛الف سلامة عليكى ياحبى خلى بالك من نفسك وخدى ليمون انا كنت قلقان عليكى اوى وحشتينى اوى ياحبيبتى
منة؛وانت كمان خلى بالك من نفسك
خالد؛ماشى ياحبيبتى سلام
مرة منة وخالد كانوا زعلانين ومنة قعدت 3ايام ماتكلمش خالد
اتصل خالد بمنة

منة؛الو ازيك ياخالد
خالد؛منى حبيبتى ازيك انتى عاملة اية
منة ؛انت اول ماافتكرت تكلمنى ميرسى على الاتصال
خالد؛حبيبتى والله ماكان معايا رصيد وبعدين انا مااقدرش استغنى عنك
كان فى نبرة صوت خالد كانة بيعيط
منة؛خالد انت كويس مال صوتك
خالد؛انتى وحشتينى اوى محتاجلك اوى يامنة والله ماكان قصدى ازعلك انا عايز اكلمك على الايميل ضرورى
منة؛خير فى اية مالك احكيلى
خالد مش هينفع على الموبايل لازم نتكلم على الايميل انا محتاجلك اوى
منة؛طيب حاضر هحاول افتح بكرة اوك
خالد؛لا مش هتحاولى انتى لازم تفتحى ياحبيبتى وحشتييييييييييييينى اوووووووووووووى
منة ؛هههه طيب اوك هفتح بكرة




طبعا انتوا عايزين تعرفوا منة وخالد زعلوا لية؟؟!








دة جزء من المفاجاءة بس جزء صغير خليوكا معانا وانتوا هتعرفوا

نرجع بقى لاهم جزء فى القصة احنا قلنا ان منة وخالد كانوا زعلانين
سبب الزعل اية بقى تعالوا نشوف













منة كانت بتكلم خالد كتير عن والدتها وعن علاقتها بيها واد اية هما اصحاب جدا خالد قال لمنة انة حابب يتعرف على والدتها وطلب منها انها تخلى والدتها تكلمة على النت
منة ردت على خالد طيب ولية ماتكلمهاش على الموبايل احسن عارفين خالد كان رد فعلة اية













خالد رفض بشدة وقالها لاطبعا ماينفعش
منة زعلت جدا من رفض خالد وقالتلة انا مش بضغط عليك على فكرة هو رد عليها
اصلا انا ماحدش يقدر يخلينى اعمل حاجة غصب عنى
منة صعقت من الكلمة بس لانها بتحبة عاتبتة وماخدتش بالها ان دة كان علامة للمفاجاءة اللى جاية بعد كدة
صحيح صدق اللى قال مراية الحب عامية
لما خالد شاف منة بتعاتبة برقة حب يصلح اللى قالة واعتذرلها وانا اسف ياحبيبتى مش قصدى انا اتعصبت غصب عنى ماتزعليش وكدة يعنى بس منة فضلت زعلانة بس اتصالحوا فى المكالمة اللى انتوا شفتوها من شوية
والدة منة بدأت تحس ان منة متغيرة خالص كتير سرحانة وبتقعد على الكمبيوتر كتير وفى مرة دخلت عليها وهى بتكلم خالد على الايميل سالتها مين دة
منة قعدت حكت لوالدتها وهى فرحانة بحبيبها وبقصة الحب اللى هى عايشاها
والدتها رفضت الموضوع وزعلت من منة ازاى تفكر كدة وازاى تحب واحد ماشافتوش
وحلفت عليها انها لازم تبعد عنة نهائيا
منة اتصدمت ولاول مرة تحس انها خايفة على حد اوى كدة خايفة تخسر حبيبها
خايفة تحكيلة عن كلام والدتها وطلبت من حبيبها مايتكلموش الفترة دى على الايميل لحد ماتحاول هى تحل الموضوع لوحدها
مر اسبوع وخالد على طول يرن على منة وهى مش عارفة تكلمة فقررت تكلمة وهى فى الكلية وتحكيلة
منة اتصلت بخالد عشان تحكيلة اللى حصل
منة؛ازيك ياخالد عامل اية انا ماقدرتش ارد عليك اصل فى مشكلة فى البيت
خالد؛خير ياحبيبتى مشكلة اية
منة؛ماما ادايقت لما عرفت موضوعنا ومش هقدر اقعد على النت الفترة دى لحد مااهدى الموضوع شوية لو احتجت حاجة ابقى كلمنى
خالد؛خلاص هكلمك كل يوم على الموبايل
منة؛لية كل يوم خليها للضرورة
خالد؛انا مااقدرش استغنى عنك وضرورى اسمع صوتك كل يوم
منة؛والله انت بتتريق
خالد ؛انا بتريق الله يسامحك على طول ظالمانى كدة بس اعمل اية بحبك
منة ؛هههههه ماشى خلاص مصدقاك وبعدين مانا كمان بحبك
خالد ؛اخيرا قلتيها ازغرط يااولاد مش مصدق قوليها تانى
منة ؛نعم لاهى مرة واحدة وبعدين يلا انا هقفل عشان عندى محاضرة لما اروح هرن عليك
خالد ماشى ياحبى خلى بالك من نفسك سلام
وعدت المشكلة دى بين منة وولداتها وكملت طريقها مع خالد عشان تقابل المفاجاءة بقى