حوار رووووح

موضوع: حوار رووووح الجمعة فبراير 25, 2011 10:31 pm

أنا
زى أى بنت فى الكون خرجت للدنيا والحياة شوفت وعشت يمكن شوفت كتير يمكن
شوفت قليل بس مفيش حد فينا بيحس إنه مشفش كتير كلنا جوانا إحساس إننا عندنا
خبرة من اللى عيشناه
عيشت حياتى عادية أتعلمت وكبرت وعقلى كبر معايا كل شئ فى حياتى كان فيه الحلو والوحش
حياتى الأسرية كانت طبيعية بين أمى وأبويا وأخويا وأختى
حتى الحب حبيت وأتحبيت وزى كل الأحبة كان فى بينا لحظات ناعمة وأيام قاسية كتير
وربنا كرمنى جدا بحبيب عمرى يكون أجمل شريك لحياتى
وربنا زود كرمه عليا ورزقنى بإبن و بنت فى منتهى الجمال والبراءة والحنان والطفولة
عيشت مع أسرتى فى كل حب وسعادة وزينا زى كل الشعب عانينا من غلاء الأسعار والضرايب والحجزات والمصلحة والوسطة والمحسوبية والفساد
لكنا
عيشنا تحت ظل أحلى بلد فى الدنيا ويوم ما أتخنق صوت البلد خرجت بس عشان
أحمى ولادى من مستقبل هياكلهم لو شافوا اللى كلنا شوفناه
خرجت وناديت وقولت التغيير تطوير نفسى فى بلد آمنة لعيالى نفسى تعليم راقى لأولادى نفسى فى مكان يشتغلوا وبينوا فيه لنفسهم ولبلادهم
وفجأة محستش بأى شئ فى الكون وبعد شوية سمعت أصوات إبنى بينادى عليا
قومى يا ماما أختى بتعيط مش عارف أعملها اللبن بتاعها
إبتسمت له وقولتله يا حبيبى متقلقش أنا هقوم آكلها
بس هو زى ما يكون مسمعنيش وفضل ينادى
بصيت لقيت أمى بتبكى سألتها بتبكى ليا يا أمى
حد جراله حاجة ؟ والدى جراله حاجة ؟ أختى وأخويا فين؟
بس هى مردتش عليا
جريت على زوجى وقولتله فهمنى يا حبيبى حصل إيه
كلكوا بتبكوا ليه ؟؟؟؟؟
برده مردش عليا زى ما يكونوا مش شايفنى ولا حاسين بوجودى
أو فى مصيبة مغطية على عيونهم وودانهم
سكت وروحت أشوف بنتى لاقيتها بتبكى بحرقة وقهر
حاولت أحضنها معرفتش وفضلت تبكى وانا مش عارفة أسكتها
جريت ياعالم يا ناس فهمونى فى ايه أرجوكوا
لمحت قرايبى جايين بيبكوا ومسلموش حتى عليا
دخلو على والدتى يواسوها ويهدوها
سكت وقلبى بينهار من كتر الرعب والقلق من اللى ممكن يكون جرى
شوية ولاقيت ناس شايين جثمان ورايحين على المقابر
أستنونى ..... مين دا فهمونى ..... جاوبونى ...... إرحمونى
بس ساعة ما وصلوا المقابر لاقيت إسمى على المقبرة
معقول يا أمى أنا مش مصدقة قلبى
مش مساعينى من فرحتى
انا شهيدة أحمدك يارب
يعنى أنا رايحة على الجنة
ياااااااااااااة على كرمك يارب فى الدنيا والاخرة

بس......
أمى ....أهدى وأفرحيلى
أبى ....شد حيلك وأفتخر
أختى .... هتوحشينى وأتمنى أشوفك فى الجنة معايا أنتى أم أولادى دلؤقتى حنى عليهم وحبيهم زى ماحبتينى
أخويا.... أوعى تلوم نفسك أنك مكنتش سترى من الموت أنت هديتنى أحسن هدية وأنا بشكرك يا نعمة من ربى
زوجى ..... تعبتك كتير فى الدنيا سامحنى بس أنا بحبك وفى الجنة هختارك زوجى تانى
أبنى ... عارفاك صغير بس هتبقى راجل فخور باللى امك عملته بوصيك أختك كون سندها فى الدنيا
بنتى ..... حقك عليا يا حتة من روحى كان نفسى أكبرك وأعلمك إزاى تحبى بلدك وتربى عيالك على حبها بس بكرة تعرفى أنا عملتلك إيه

هتوحشونى كلكوا يا أحلى دنيا عيشتها سلمولى على بلدى وقولولها أنا عشانك عملت كل ما عندى
وجيه دورك ترديه لولادى
بحبك يا بلادى ياللى نهرك هو دم فؤادى

» حوار بين زوجه وزوجها فى اول يوم زواج